Siyod Toshiẽt Borzẽngi
Yi ror Bigunẽ k̃hũ sar pẽ k̃hũ nanẽ poz kẽt̃etu k̃hẽ zhindagis̃h g̃hs̃h dhord. Woz yo tatẽ bech/ yo pup Din damẽ qẽribẽr niyeng to k̃hẽ yoris̃h naqẽl kẽrt. Ya zhindag haz̃ir tu:
Yi Dhayẽt yo Kendẽs̃h de yi khẽshroy diyor dẽ k̃hũ yi dona petrẽn halde. Yavẽ pẽtẽr polẽwon tu. Yawẽ nung Toshi tu magam yisar khalgẽs̃h camẽ polẽwonig̃hẽn yor siyod bẽ k̃hẽnetk. Hazirgi yo nong Siyod Toshi pẽrvetẽ. Toshiyẽs̃h hamish wirkẽn s̃hẽkorẽr reg̃hdẽ. Yi rloyi yo tat nanẽ yor k̃hat ki sakẽs̃h wes̃hin, wir s̃hẽkorẽr me rec̃h koyẽ dẽ k̃hatẽn yund. Yawẽ k̃hũ tat nanẽ qẽsa ne kẽs̃hen k̃hẽ wir s̃hẽkorẽr reg̃hdẽ. K̃hũ tat nanri bu rorẽ mẽod dhet k̃hẽ bororẽ tũs̃hayi dẽz̃hd k̃hẽ rẽwun vitẽ. Yo tat nanẽ ya dẽ bar pẽtũk dik̃ht dẽov yor dhet k̃hẽ tẽr vẽdekẽv kart. Bo ror shekhẽstẽ, tru ror reg̃hdẽ, panz̃ rorẽ batki yo tat nan c̃hez̃hem dẽro haldẽ magam ya ne wezdẽ. Yo tat nan cẽ pẽrishonig̃hẽn sẽk nũwẽn vitẽ.
Pẽ diyor khẽbar pervẽtẽ ki toshiyi tẽ chapẽ dhũr s̃hẽkorẽr rek̃hk k̃hẽ nẽshetki. Diyorẽ jẽwonisht woz polẽwonisht kũk̃ht tẽr lẽman vitẽ k̃hẽ pẽ chapẽ dhũrẽv chẽrnẽ. Damvẽn Toshi bech bẽ reg̃hdẽ. Ce wakhtẽv ki pẽ chapẽ dũr dẽ shupẽrga g̃hatẽ yavẽ k̃hũ d̃ũpav lekẽrt k̃hẽ makhso makhsov tẽ chapẽ dhurẽ kuv sẽmar niyes̃htẽ. S̃humrẽv dẽ shupẽrga wezdẽ ki koyẽ chiz ne winetk. Kũk̃htẽ k̃hat ki sakẽ g̃ha sẽma kert magam chiz pidhog̃h ne vitẽ. Yan rorẽv woz sẽmar niyes̃htẽ magam chivẽ ne got. Tru rorẽv sẽma kert ku barẽv past kart magam Toshiv ne got. Sẽk dhurẽ mẽlung yi rukhẽn yaz tu, ya yazẽv bẽ s̃hẽkũrd chiz pudh yoy nis̃hunẽv ne got k̃hẽ shekẽv kert ki ya albat hẽr wẽrdũr pervẽtẽ k̃hẽ hẽr diyorẽ gẽna pẽspudhẽv pẽshetẽ. Yo tat nan yo hatẽn pilẽpich tu cum rornẽv chiz yitu bẽ ney, neyẽs̃h yavẽr merzig̃h sẽdhoydẽ nev dẽ khun barẽ hẽs̃htu. Yo tatrẽs̃h nẽmoydẽ ki Toshib zinda hũmit woz caq̃ wakhtẽn cẽbasẽb wizit. Yo nanẽs̃h yig̃hunẽr cẽ k̃hũ pertẽ nijrẽn bi khũd vitẽ. Sẽmachivẽ wezaynẽ khẽbarẽv kẽs̃hen k̃hẽ kifch tanẽv dẽ bar niyes̃htẽ. Toshiv damvẽn ne wind k̃khẽ toshia nan bihush vitẽ k̃hẽ t̃ung g̃hirdẽ.
Bẽhor reg̃hdẽ, Tobiston shekhẽstẽ wos tirmo be niyes̃htẽ, Toshi k̃hatẽr chiz qila ne wind. Toshir sẽdhoydẽ ki borzẽngib yo ne yit albatẽb k̃hũ khizmater kũmpirẽ rang dẽ k̃hũ bar lecẽrt.
Zẽmiston chernẽ caq caq sũrig̃h wezdẽ borzẽngie caq caq tẽr bar rec̃hẽn bas ket woz bũs̃htẽr pẽ khũn haldẽ. Yi ror sahar wẽrding tu Borzẽngi s̃hẽkorẽr reg̃hdẽ. Bikhẽlew wẽtish wezdẽ k̃hẽ zem dema gezdẽ. Kam wakht bẽ ne rek̃htu ki zem qam wos̃htẽ. Borsẽngi s̃hẽkorẽ bas ne wezdẽ k̃hẽ mũshkilẽr s̃hũmẽs̃hm dẽ k̃hũ boyẽ bar wezdẽ. Kũmpir dẽ bar tu ki Borzẽngi s̃hẽkor ne k̃htk k̃hẽ tes̃h wezdẽ. Har roris̃h s̃hẽkor kert magam hay rori s̃hẽkor ne k̃hetu. Bozẽngis̃h sirf yuks̃hẽ gus̃ht yit, yuks̃hsht hawora pẽrvetẽ k̃hẽ tẽr qila s̃hakhẽv chernẽ haska ya s̃hẽkorẽ bas ne wezdẽ. Yawẽ kũmpirẽr k̃hat ki wudhg Toshi yawẽn. Kũmpir gha pẽrishon vitẽ magam ghas̃htẽ k̃hẽ k̃hati; Hubtoqish ki Toshi yawẽn andi logharig̃hẽ wakht Panztoqishẽt Trutoqish chiz yawẽn.Borzẽngi perst ki niv andi chiz yawẽn toza gũs̃hti nast. Kũmpirẽ k̃hat tu g̃huz wũzũm wuz yuks̃hẽ qẽdit gus̃ht pacẽm yab shẽlofẽt k̃huz̃hg wost. Borzẽngiẽ lvzi ‘pẽcak’ kẽs̃hen k̃hẽ ẽyron vitẽ. Persti ki pẽcaki chiz? Kũmpirẽ k̃hat tu g̃huz wũzẽm wuz tor dhisũvẽm. Ya g̃hũzẽr rg̃hdẽ k̃umpirẽ rezg chas̃ht k̃hẽ hẽr rũshẽ s̃hewi s̃hard.
Ya rezg rẽ yupk niyes̃htẽ k̃hẽ nẽmek vitẽ yawẽ nẽmek tẽr yuks̃hẽ qẽdit gus̃ht dik̃ht k̃hẽ lekẽrti. Borzẽngi yi lup yarzẽ vũr dez̃hg k̃hẽ wezdẽ. Kũmpirẽ rek̃hnig̃h dik̃ht, Borzẽngi garẽm vitẽ k̃hẽ tẽr yinũk reg̃hdẽ. Rẽhnig̃h khub rũs̃h was̃ht k̃hẽ kũmpirẽ nẽmek diyetk gus̃ht sẽk tov kart. Cẽ wakht ki gos̃ht pes̃htẽ kumpirẽ Borzẽngi gizovd k̃hẽ yawẽt Toshiri dhet.
Toshiyẽ dẽ Bozẽngiyẽ wẽlja awal bor pẽc̃hetk gusht yit. Borzẽngir gha mẽza wezdẽ. Yawẽ kũmpirẽr k̃hat ki niv har ror gus̃ht pac k̃hẽ rand. Kũmpirẽ k̃hat ki yemni hechiz mẽza nast gus̃htẽ ki agar ẽr dig pacẽm yab g̃ha k̃huz̃hg wost. Borzẽngiẽ perest ki, digi chiz? Kũmpirẽ khat ki dẽ bar niwiz wuz tor k̃hanẽm. Kũmpirẽ ya tẽrbar nik̃ht k̃hẽ yoraqẽl vitẽ ki Toshiẽ k̃hatẽr vẽrũt dũrz k̃hẽ yor k̃han ki dig wũzũm.
Borzẽngi khũsh vitẽ chizẽr ki pẽc̃hetk gushtẽn yor gha mẽza westu. Ya tẽ boy chernẽ k̃hẽ Toshiri k̃hat ki cẽ wudhgẽn cẽbas tu z̃hũ vẽrũt woc niv sakẽr yi dig wũzũm. Toshi khũsh vitẽ k̃he k̃hati mẽz̃ẽ mes̃h, z̃hũni yi lup dig tey wuzẽb cẽbũr rorẽr yo dẽrem g̃hatũvẽm. Bozẽngi ya tẽr yistinẽn wes̃hẽn k̃hẽ dẽ k̃hatni qẽti nidhovd.
Yem malum k̃hakẽr ki Toshis̃h ko redhta? Borzẽngi yan rorẽr s̃hẽkorẽ banay go k̃hẽ reg̃hdẽ dẽ Toshiẽ vẽdekẽ dẽ yi qila band redik haldẽ ki agr ki Toshi renẽ yay o wũdẽrd yund k̃hẽ yit. Trem gẽnayi kũmpirẽ toshir k̃hat ki redh my newiz de bar g̃huz qashtan dit chut̃ car, Borzẽngir sẽdhũd ki tut yo rost vẽrũt. Digrẽt ki reg̃hẽd andi dẽ khatẽn khalgvẽ wũzẽm k̃hẽ maz̃hẽ bẽ dẽ k̃haten yund, Kirenit ya maz̃hẽ bẽ yit. Borzẽngi dẽ pũrzẽ batkẽn da band redik haldẽ magam Toshi ne wezdẽ. Yor yaqin vitẽ ki Toshib niv ne redht. Purzer wezdẽ ki toshi g̃huz chut̃ k̃het k̃hẽ dẽ bari d̃ũm k̃hetk. Borzẽngiẽ yo yark tayind k̃hẽ gha khush vitẽ wozi yẽqin kert ki Toshib kũmpirẽ rang dan hald.
Toshiẽ sẽma kert k̃hẽ yi lup rẽstẽkũzgi wozomd. Tru bẽland bẽland g̃harvẽ dildungi di k̃hẽ rẽstẽkũzgi sẽka kart. Pũrzẽri Kũmpirẽt Toshiẽ rẽkhnig̃h dik̃ht k̃hẽ gus̃htẽv sẽk rẽstegũzg pacẽt. Truvedhẽ mezamẽsh gus̃ht yit k̃hẽ rok̃hoptiv. Yan rorer Borzengi Toshi dez̃h k̃hẽ dẽk̃hatni s̃hekorẽr yut. Yukshisht reg̃hdẽ k̃hẽ tẽr s̃hũkh tẽ yi bandẽv chernẽ. Toshi tramvẽ cẽbas reg̃hẽ k̃hẽ neyemi yav gog̃ht. Haya rorẽve yavẽ panz yukss̃hẽ gusht wozomd, cẽbũr s̃hekorẽ gus̃hti Borzẽngi dẽz̃hd yiwẽn Toshiyẽ. Borzẽngi gha khush vitẽ k̃hẽ Toshiri K̃hat ki tu dig wũzũmẽr rec̃h. Toshi rẽwun vitẽ cẽ wakht ki dẽ k̃hũ diyor g̃hatẽ yo diyorivẽ ya wind k̃hẽ wẽs̃hrũtkv vitẽ, k̃hatẽv ki yo ru wezdẽ k̃hẽ kuk̃htẽv can renẽ. Toshi yav qũẽwẽ qũw k̃hẽ k̃hati ki me wes̃hit wozẽm Toshi. Diyor pẽtũn damẽ khun Jama vitẽ, yo tat nanẽv mẽborak kart. Yo tat nanẽ sẽpandrẽ rẽ g̃hef kart, k̃hũ petrẽv pẽtũk dik̃ht k̃hẽ yi wẽloghẽv bẽsmel kert k̃hẽ khẽdoyiv gok̃ht. Khẽdhoyiv yit k̃hẽ Toshi k̃hat ki sashat dẽman wezita? sak ya kũmpirẽ bẽ cẽ Borzẽngi wẽljan nik̃hindẽn. Diyorẽ tẽmom jẽwonẽt polewonisht dẽ mẽltiqẽt woc̃h dorũwẽn tẽyor vitẽ.
Yavẽ tẽlwisa kert ki Toshib dig dũrzd k̃hẽ res̃htẽb pẽ Borzẽngi boy woz jẽwonishtẽb tẽ kuv halẽn, nag̃hdẽb Borzẽngiẽ wũdrẽn k̃hẽ dẽk̃hatẽn qẽtib hẽr diyor wũzmen. Toshiẽ dig dez̃hd k̃hẽ k̃hũ dhetk meodẽr dẽ Borzẽngi boy g̃hatẽ. Borzẽni gha khũsh vitẽ pũrzẽri Kũmpirẽt Toshi Gus̃htẽ hẽr dig pacẽt. Borzẽngir gha mẽza wezdẽ, yawẽ khub yit k̃hẽ rok̃hoptẽ. Yas̃h ki yiloy rok̃hoptẽ betẽs̃h khẽbar ne vitẽ. Cẽ wakht ki Borzẽngi sẽk khẽrũthẽn vitẽ Toshi kiltikach dẽz̃hd k̃hẽ dẽ bar niyas̃htẽ, jẽwonẽt polẽwonisht kũkht dẽ Borzẽngi boyẽ gitd jama vitẽ. Toshi yavẽr k̃hat ki oghozẽ qẽribẽr borzẽngiẽ wũdrẽn magam yob neqson ne carẽn.
Bẽrobar nag̃hd shẽkhestẽ k̃hẽ polẽwonisht chernẽ tẽ boy k̃he Borzẽngivẽ wodort. Dẽ yinũkẽ yo dhast pũdhvẽv pẽ shẽvẽnẽn vastẽt ki ya k̃hebar vitẽ k̃hẽ Toshiri k̃hat ki, yemi vẽrutig̃ha? Toshi shov haldẽ. Brzẽngiẽ qar gha wezdẽ magam yo pũdht dhastev vastu. Saharẽv shẽvẽn tram go, yo pũdhẽv wes̃hẽn k̃hẽ dẽ k̃hatẽn qẽtiv yawẽt kumpir hẽr diyor wozum. Yo zikis̃h sirf kũmpirẽ disht woz z̃aq z̃aq̃ẽs̃h hẽr Toshi pẽz̃hũ pẽrvẽtẽ. Ce wakhtẽv ki dẽ diyor ya wozẽmd kũk̃htẽ k̃hat ki yo shayẽn magam Toshi ya shẽtor ne lekẽrt. Toshi k̃hat ki Borzẽngiyi niv yo vẽrũt yab niv yo ne shit balki didig̃hdẽb.
Borzẽngis̃h zik ne disht, kũmpire Borzẽngir wẽchel kert k̃hẽ borzẽngi khush vitẽ. Toshi borzẽngir pẽ yi alag khun plos kart, pipẽr gini dik̃ht k̃hẽ dheti. Yori hamish babaf khẽrok dhet. Toshiyẽ kũmpirẽr k̃hatẽr nan dez̃hd, gha izati yor ket woz dẽ k̃hũ tat nani ya qẽti lekẽrt. Chiz yarkẽrs̃h ki gezdẽ k̃hũ tatẽt kifch nanis̃h perst. Chizẽr ki k̃hũ tat nanẽ qẽsa ne kẽshũnẽ sẽbabẽn hẽr bozẽngi dhast pẽrvatu.
Borzẽngir yo s̃heg̃hd zindẽgin gha khus̃h wezdẽ k̃hẽ yawẽ yi haftan cẽbas Toshir k̃hat ki wuz bẽ dẽton ti yarkẽr wezim. Borzẽngi niv insonvẽ zik yek̃hk wocẽn shẽru kert. Yi solẽn cẽbas yawẽ Toshi tat nanẽr k̃hat ki Kũmpirẽ cẽrsok̃ht Toshi jon bachat kert woz yur k̃hati dẽ insonvẽn hẽlakẽ muqa gok̃ht. Toshi tat nan dẽ kũmpirẽn gha khũsh vitẽ woz can bẽ ziyoda izatẽv your kert. Nivẽv Toshiẽt Borzẽngi vẽrũt vitu. Borzẽngis̃h dan g̃huz wozomd, danẽs̃h s̃hẽkorẽr reg̃hdẽ wozẽs̃h dan kẽla pũynẽr yũt. Toshis̃hi yor yiks̃hetk zharzh pitẽr woz pẽc̃hetk gus̃htẽt digar k̃hẽrokv bẽ dhet. Borzẽngiyẽ dẽ diyorivẽn diyordorig̃h k̃hak s̃hẽrũ kert. Diyornẽs̃h ki chiz ghẽrung yoy mushkil yark vitẽ Borzẽngivẽs̃h ya kert. Diyor pẽtũn dan khũsh tu woz yabẽ dẽ diyorẽn khũsh tu.
Rosti: Sẽk nikig̃hẽ videkẽs̃h nikig̃h wizit
Yi Dhayẽt yo Kendẽs̃h de yi khẽshroy diyor dẽ k̃hũ yi dona petrẽn halde. Yavẽ pẽtẽr polẽwon tu. Yawẽ nung Toshi tu magam yisar khalgẽs̃h camẽ polẽwonig̃hẽn yor siyod bẽ k̃hẽnetk. Hazirgi yo nong Siyod Toshi pẽrvetẽ. Toshiyẽs̃h hamish wirkẽn s̃hẽkorẽr reg̃hdẽ. Yi rloyi yo tat nanẽ yor k̃hat ki sakẽs̃h wes̃hin, wir s̃hẽkorẽr me rec̃h koyẽ dẽ k̃hatẽn yund. Yawẽ k̃hũ tat nanẽ qẽsa ne kẽs̃hen k̃hẽ wir s̃hẽkorẽr reg̃hdẽ. K̃hũ tat nanri bu rorẽ mẽod dhet k̃hẽ bororẽ tũs̃hayi dẽz̃hd k̃hẽ rẽwun vitẽ. Yo tat nanẽ ya dẽ bar pẽtũk dik̃ht dẽov yor dhet k̃hẽ tẽr vẽdekẽv kart. Bo ror shekhẽstẽ, tru ror reg̃hdẽ, panz̃ rorẽ batki yo tat nan c̃hez̃hem dẽro haldẽ magam ya ne wezdẽ. Yo tat nan cẽ pẽrishonig̃hẽn sẽk nũwẽn vitẽ.
Pẽ diyor khẽbar pervẽtẽ ki toshiyi tẽ chapẽ dhũr s̃hẽkorẽr rek̃hk k̃hẽ nẽshetki. Diyorẽ jẽwonisht woz polẽwonisht kũk̃ht tẽr lẽman vitẽ k̃hẽ pẽ chapẽ dhũrẽv chẽrnẽ. Damvẽn Toshi bech bẽ reg̃hdẽ. Ce wakhtẽv ki pẽ chapẽ dũr dẽ shupẽrga g̃hatẽ yavẽ k̃hũ d̃ũpav lekẽrt k̃hẽ makhso makhsov tẽ chapẽ dhurẽ kuv sẽmar niyes̃htẽ. S̃humrẽv dẽ shupẽrga wezdẽ ki koyẽ chiz ne winetk. Kũk̃htẽ k̃hat ki sakẽ g̃ha sẽma kert magam chiz pidhog̃h ne vitẽ. Yan rorẽv woz sẽmar niyes̃htẽ magam chivẽ ne got. Tru rorẽv sẽma kert ku barẽv past kart magam Toshiv ne got. Sẽk dhurẽ mẽlung yi rukhẽn yaz tu, ya yazẽv bẽ s̃hẽkũrd chiz pudh yoy nis̃hunẽv ne got k̃hẽ shekẽv kert ki ya albat hẽr wẽrdũr pervẽtẽ k̃hẽ hẽr diyorẽ gẽna pẽspudhẽv pẽshetẽ. Yo tat nan yo hatẽn pilẽpich tu cum rornẽv chiz yitu bẽ ney, neyẽs̃h yavẽr merzig̃h sẽdhoydẽ nev dẽ khun barẽ hẽs̃htu. Yo tatrẽs̃h nẽmoydẽ ki Toshib zinda hũmit woz caq̃ wakhtẽn cẽbasẽb wizit. Yo nanẽs̃h yig̃hunẽr cẽ k̃hũ pertẽ nijrẽn bi khũd vitẽ. Sẽmachivẽ wezaynẽ khẽbarẽv kẽs̃hen k̃hẽ kifch tanẽv dẽ bar niyes̃htẽ. Toshiv damvẽn ne wind k̃khẽ toshia nan bihush vitẽ k̃hẽ t̃ung g̃hirdẽ.
